1.玩米缸，将手插入米缸嘅米里面笃下笃下。
2.喺百货公司入面笃扶手电梯旁边嘅牌。
3.地下有阶砖时，特登隔一格一格行（唔可以踩界，要完全喺格内）。
4.用手表面反射阳光，照黎照去。
5.跳楼梯（愈多级愈劲）。
6.行路上高起左地方（例如高起左既长条型石博），好似玩平衡木咁行法。
7.铺张纸在硬币上面，然后用铅笔系上面油，油返个形出黎。
8.食完瑞士糖之后，将糖纸包番个原本四四方方果个形出黎。
9.超级市场踩住架购物车黎行。
10.踩水"tum"，系好特登果只。
11.吹口水波。
12.搣墙上的乳胶漆或墙纸。
13.系平滑既地面上面跣下跣下咁行。
14.整湿的纸巾，掟上学校厕所天花顶。
15.食完绿箭香口胶，一定摺返成张包装纸，再放返入个大套入面。
16.响课室玩俄罗斯轮盘，将粉刷沾满粉笔粉，放系风扇上面，等个风扇转转下，转得个时飞出黎，睇下个粉刷中飞边个。
17.放胶袋（当风争咁放）。
18.去后梯执咸书睇，将睇完的咸书撕开飘落街。
19.贴张龟仔纸响D同学个背嵴度。
20.踩人地个影。
21.狂踩人地对白饭鱼，尤其是大肥仔果D。
22.用几条橡筋射D同学。
23.掉人地门口噶拖鞋落街。
24."Mung"消防喉，射水落下面个球场，睇下射到几远。
25.尝试用「念力」整弯汤匙。
26.用气鎗射街上噶途人。
27.玩千秋，"fing"到咁上下就飞出去斗远。
28.落楼梯时坐系的扶手上面"sir"落黎。
29.在自动梯行相反方向。
30.把「误投信件」或没有用的宣传单张，胡乱放入其他的住宅信箱。
31.坐地铁时，抓紧中间的扶手，地铁一开动博命绕住转（自转）。
32.在月台上斗快跑。
33.系被窦入面开住电筒扮露营同埋系入面食零食。
34.用图钉弄穿学校壁布板。
35.乱按人地既门钟，然后松人。
36.明知过左三岁，仍然吾买飞，「捐」地铁既入出闸机。
37.不小心涂改液（很旧的有一个扫那种）涂在手上，然后用附送的天拿水，搽在手上以图弄去改液。
38.用欢乐天地等既硬币当一蚊用。
39.煲蜡。
40.把汽水罐静鸡鸡放在校车的车轮下摄住，开车时把它压扁。
41.用萤光笔油指甲。
42.向学校d木台上面画公仔。
43.用电筒／雷射笔射落街或者照住d路人。
44.搣碎d纸巾，然后抛出窗。
45.巴士一开车，就同佢斗快跑（最终当然唔够快啦）。
46.落雨担遮，懒系型咁转把遮。
47.见倒d矮过自己既人行紧过黎，会好自然"gut"高d行。
48.将擦胶碎「搓」成一粒黑色物体。
49.玩冒险乐园的游戏（例如篮球或保龄球），企系最高或企系跑道既最尾玩。
50.地铁出闸果时「捐」过闸口，拎走张地铁飞当地图。
51.屋企没人果时，对住块镜学人跳舞／做戏／唱歌。
52. 同细路争一d无聊野，例如「美少女战士角色∶sailor moon系我既, 火野丽系你既」或「四大天王，黎明系我既，所以你唔准钟意黎明，你钟意郭富城啦」。
53.玩厕所水。
54.去到公园，系咁撕百千层d树皮落黎。
55.慢慢行近D麻雀到，企图捉住佢地。
56.系街见到狗就扮猫叫，见到猫就扮狗吠。
57.趴系地上扮死，想吓阿妈阿爸。
58.画花报纸或书上既画，为人物加牛角或者胭脂等等。
59.拎d元宝当船放系水上玩或者抛落街。
60.用条绳hid野落去住下面个户人既窗前，然后"fing"来"fing"去，引人注意。
61.买翻来噶新鞋都咬下鞋礃
62.落雨噶时候啊,,,拿住把遮特灯行D大雨D噶地方~~~

喺gznet睇返嚟嘅,你又有幾多樣做過咧??覺得好親切呀...好似返返細個嗰陣,身邊又好似返返去冷氣房,外邊好晒嘅熱頭...對住部電腦上網食西瓜嗌無聊嘅日子...人真係好貪心呀,冇嗰樣又想嗰樣...

 

成日覺得blog係寫俾某些特定嘅人睇咁...所以當msn spz唔work嘅時候,好失落.因爲,冇人知道我更新咗,嗰种感覺好空...

 

唔知點解大家都覺得,暑假,或者講,那年的夏天,特別多的回憶...所以聽到呢首歌嗰陣特別有感情...好想回去那純真而有著夢想嘅年代,那時候,我們都做著這樣或那樣的傻事,咩事都可以笑一餐...真嘅,我 從來都冇諗過,呢幾年需要經歷的一切,我宜傢到底變成點樣了...

 

最近都好緊張,考試,比較,再考試,再比較...好大壓力...飯話,一切都係整定嘅,上天安排我認識佢,跟住喺我就畢業嘅時候介紹一份工俾我,無論結果係點,真係盡力就好了.有時覺得好攰好攰,一個過程嘅結束就係另外一個過程嘅開始,不停循環,好似從來都冇終結咁...唔知幾時,我先開始有人陪住我行...飯話,佢覺得我dont belong to gz...點解咧...我記得佢喺我臨離開gz嘅時候都塞咗封信俾我,上邊都有咁講過,覺得我就係會走嘅,唔會留喺我生活咗20幾年嘅地方...其實我自己都唔知...感覺應該開心定失落...其實我懷念那裏的一切的,那吵鬧的茶樓,好味嘅牛雜,著校服嘅同學仔,通宵嘅7-11,討論八卦同男人嘅好朋友們,靜靜嘅kevin's,爺爺可愛而吝嗇嘅笑容...

 

回憶就係咁ga喇,幫妳自動删晒唔好嘅,留低永遠都係最美好嘅,令人不停留戀過去...

 

 

 

那年夏天寧靜的海...

 

 

 

 

 

未來,我期待未來...